Tokiko diru

Tokiko dirua edo tokiko moneta ekonomian, antolakuntza jakin batean, parte hartzen duten erakundeek leku zehatz batean erabil daitekeela adostu den diru mota bat da; diru nazional baten osagarri gisa jokatzen du, ordezkatu beharrean, eta helburua da komunitate baten barruan gastua sustatzea, batez ere tokiko enpresekin lotura eginez.^[1] Diru horiek ezin ditu gobernu nazional batek babestu, ez eta legezko baliorik izan ere. Complementary Currency Resource Center delako erakundeak era honetako 300 diru osagarri inguru zenbatuta ditu mundu zabalean.^[2] Horietako bat euskoa da, Ipar Euskal Herrian XXI. mendean zabalkundea lortu duen tokiko dirua.

1. ↑ People Powered Money: designing, developing and delivering community currencies. Community Currencies in Action.
2. ↑ Complementary Currency Resource Center. «Online Database of Complementary Currency Systems Worldwide» www.complementarycurrency.org.